🕑 Published: November 17, 2026 at 09:48 AM CST
ఉత్తర అమెరికా తెలుగు సంఘం(తానా) మిడ్-అట్లాంటిక్ ఆధ్వర్యంలో శనివారం నాడు పెన్సిల్వేనియా రాష్ట్రంలోని కాలేజ్విల్లే లో తానా ఇంటర్నేషనల్ మెన్స్ డే వేడుకలతో పాటు ఈషా ఫౌండేషన్ యోగా, ధ్యాన కార్యక్రమాన్ని నిర్వహించారు. యోగ నమస్కార్, నాడీ శుద్ధి, మిరాకిల్ ఆఫ్ మైండ్ మెడిటేషన్ వంటి యోగ, ధ్యాన ప్రక్రియలపై శిక్షణ ఇచ్చారు. గురువులు శ్రీదేవి, గజేంద్రబాబుల పర్యవేక్షణలో శిక్షకులు ఆరోన్ ఆడమ్స్, చిరంజీవి కంచర్లలు ఈ తరగతులను నిర్వహించారు. తానా బోర్డ్ డైరెక్టర్ రవి పొట్లూరి, మిడ్ అట్లాంటిక్ టీమ్ రీజినల్ రిప్రజెంటేటీవ్ ఫణి కంతేటి, సతీష్ తుమ్మల, సురేష్ యలమంచి, రంజిత్ మామిడి, కృష్ణ నందమూరి తదితరులు కార్యక్రమ నిర్వహణకు కృషి చేశారు.





