టొరొంటో తెలుగు కమ్యూనిటీ (టీటీసీ) ఆధ్వర్యంలో దసరా-బతుకమ్మ

టొరొంటో తెలుగు కమ్యూనిటీ (TTC) ఆధ్వర్యంలో కెనడా లోని టొరంటో నగరంలో తెలుగు ప్రజలందరూ ఒక దగ్గరకు చేరి దసరా మరియు బతుకమ్మ సంబరాలను అత్యంత భక్తి శ్రద్ధలతో అంగరంగ వైభవంగా జరుపుకున్నారు. ఈ సంబరాలలో దాదాపు 900కు పైగా తెలుగు వాసులు స్థానిక ఈస్ట్‌డేల్ CVI కాలేజియేట్, ఒషావా, టొరొంటో, కెనడా లో పాల్గొని దసరా పండుగను విజయవంతం చేశారు. ఆధ్యాత్మిక వాతావరణంలో జరిగిన ఈ వేడుకల్లో కుటుంబ సభ్యులు, స్నేహితులు ఉల్లాసంగా పాల్గొన్నారు.

ఈ సందర్బంగా బోర్డు అఫ్ డైరెక్టర్స్ సభ్యులు, ప్రదీప్ కుమార్ కనమర్లపూడి మాట్లాడుతూ కెనడా లోని తెలుగు ప్రజలకు దసరా సంబరాలపై ఉన్న ఆసక్తి ని మరియు బతుకమ్మ పండుగపై ఉన్న భక్తిశ్రద్ధలను కొనియాడారు.

టొరొంటో తెలుగు కమ్యూనిటీ , బోర్డు అఫ్ డైరెక్టర్స్ సభ్యులు, కొత్తూరి సి మధుసూధన్ రావు మాట్లాడుతూ మా అసోసియేషన్ ప్రతి సంవత్సరం దసరా మరియు బతుకమ్మ వేడుకలు నిర్వహించడం ఎంతో ఆనందాన్ని ఇస్తుంది అని అన్నారు. దసరా , బతుకమ్మ పండుగల విశిష్టతను గురించి శ్రోతలకు చక్కగా వివరించారు. ఈ వేడుకను ప్రత్యక్షంగా వీక్షించడం ఎంతో గర్వకారణమని పేర్కొన్నారు.

టొరొంటో తెలుగు కమ్యూనిటీ బోర్డు అఫ్ డైరెక్టర్స్ సభ్యురాలు, రమా గాయత్రీ సోంభొట్ల మాట్లాడుతూ ఇటువంటి కార్యక్రమాలను జరుపుకోవడం మూలంగా మన తెలుగు పండుగలని మరియు సాంప్రదాయాలను భావితరాలకు తెలియజేసి ముందుకు తీసుకు వెళ్లడానికి దోహదం చేస్తాయి అని వ్యక్తీకరించారు. మరొక బోర్డు అఫ్ డైరెక్టర్స్ సభ్యులు, రవికిరణ్ కొపల్లె ‘ఏ దేశమేగినా ఎందు కాలిడినా ఎవ్వరేమనినా పొగడరా నీతల్లి భూమి భారతిని నిలుపరా నీ జాతి నిండు గౌరవముతో’ అనే విధముగా టొరొంటో తెలుగు కమ్యూనిటీ కృషి చేస్తుందని తెలిపారు.

కార్యక్రమంలో ప్రత్యేక పోటీలు అన్ని వయస్సుల వారికి నిర్వహించబడ్డాయి. ఎన్నో రకాల సరదా ఆటలు నిర్వహించారు. విజేతలకు బోర్డు అఫ్ డైరెక్టర్స్ సభ్యులు, సుధాకర్ రెడ్డి సింగన బహుమతులు అందజేసారు. ముఖ్యంగా 9‑రోజుల నవరాత్రి ఆన్‌లైన్ పోటీలు ఘన విజయంగా నిలిచాయి. ప్రతి రోజు నిర్వహించిన డైలీ క్విజ్‌లో తెలుగు కమ్యూనిటీ సభ్యులు, యువత, పిల్లలు విశేష ఉత్సాహంతో పాల్గొన్నారు. ఈ కార్యక్రమంలో విజేతలుగా నిలిచిన వాళ్ళకి, సత్యభామ కల్లక్షన్స్, కాచిగూడా జంక్షన్, విట్బి మరియు పోప్పిన్ కిడ్స్ వారు బహుమతులు అందజేసారు. నమస్తే సూపర్ మార్కెట్ వారు 5 గ్రాముల వెండి నాణాలు (5) బహుమతిగా అందజేసారు.

ఈ వేడుకలకి ఇతర తెలుగు సంస్థల నుంచి ప్రత్యేక అతిథులు విచ్చేసారు. వారు మాట్లాడుతూ, ఈ సంబరాలని చూడటం ఎంతో ఆనందంగా ఉంది అని కొనియాడారు. అలాగే కార్యక్రమాన్ని చక్కగా నిర్వహించిన టొరొంటో తెలుగు కమ్యూనిటీ వారిని అభినందించారు. బోర్డు అఫ్ డైరెక్టర్స్ సభ్యులు, నరేంద్ర బొమ్మినేని, విజయ్‌కుమార్ కోట విచ్చేసిన అతిథుల అందరినీ ఘనంగా సత్కరించారు. కార్యక్రమానికి విచ్చేసిన వారికి రాఫెల్ డ్రా నిర్వహించి గెలిచిన వారికి ఒక గ్రాము బంగారం బహుమతిగా అందజేయడం జరిగింది. ఈ సంబరాలలో బతుకమ్మ ఆట సుమారు 2 గంటలు ఏకధాటిగా ఆట పాటలతో ఉత్సాహంగా కొనసాగింది.

Gallery

JOIN OUR WHATSAPP CHANNEL FOR MORE UPDATES