ఫిలడెల్ఫియా పేద విద్యార్థులకు తానా చేయూత

ఉత్తర అమెరికా తెలుగు సంఘం (తానా) మిడ్-అట్లాంటిక్ విభాగం ఆధ్వర్యంలో బడికి వెళ్లే పేద విద్యార్థులకు ఉచితంగా బ్యాక్‌ప్యాక్‌లు అందజేసింది. ఫిలడెల్ఫియా సమీపంలోని హ్యారీస్‌బర్గ్ డౌనీ స్కూల్ విద్యార్థులకు బ్యాగులు, పాఠశాల వస్తువులను విరాళంగా అందించారు. తానా బోర్డ్ డైరెక్టర్ రవి పొట్లూరి సహకరించారు. తానా అధ్యక్షుడు డా. నరేన్ కొడాలి నిర్వాహకులను అభినందించారు. కమ్యూనిటీ సర్వీస్ కోఆర్డినేటర్ సాయి బొల్లినేని, బెనిఫిట్స్ కోఆర్డినేటర్ వెంకట్ సింగు, మిడ్-అట్లాంటిక్ రీజినల్ రిప్రజెంటేటివ్ ఫణి కంతేటిలు సమన్వయపరిచారు.