బోస్టన్ ప్రవాసులను అలరించిన సహస్ర భరతనాట్య అరంగేట్రం

విదేశాల్లో ఉంటున్నా మన సంస్కృతి సంప్రదాయాలను గౌరవిస్తూ తమ పిల్లలు వాటిని అలవరుచుకునేలా ప్రోత్సహిస్తున్నారు పలువురు తల్లిదండ్రులు. అలా భరతనాట్యం సాధన చేసి అరంగేట్రం చేసింది మరో తెలుగు ఆణిముత్యం. 14 ఏళ్ల సహస్ర కుటుంబం బోస్టన్‌లో నివసిస్తోంది. చిన్నప్పటి నుంచే సహస్రను చదువుతో పాటు, లలిత కళలవైపు నడిపించారు తల్లిదండ్రులు. ఆరో ఏట నుంచే భరతనాట్యం సాధన చేయడం మొదలు పెట్టిన సహస్ర అరంగేట్రంతో అలరించింది. కేవలం నాట్యమే కాదు, మృదంగంలోనూ ప్రావీణ్యం ఉంది. చదువుల్లోనూ రాణిస్తున్న ఆమె పురాణపాత్రలతో ఏకపాత్రాభినయ ప్రదర్శనలు కూడా ఇచ్చి, మల్టీ టాలెంటెడ్‌ అనిపించుకుంది. ‘బాల లహరి’ ప్రోగ్రామ్‌ ద్వారా అమెరికాలోని చిన్నారులకు తెలుగును కూడా నేర్పిస్తోంది. తాజాగా భరతనాట్యం అరంగేట్రం సందర్భంగా ఈ ప్రయాణంలో వెన్నంటి ప్రోత్సహించిన వారికి కృతజ్ఞతలు తెలియజేసింది.