"ఆటా" సభల్లో స్టాల్ ఏర్పాటు చేయాలనుకునేవారికి శుభవార్త

19వ ఆటా కాన్ఫరెన్స్ సందర్భంగా స్టాల్ ఏర్పాటు చేయాలనుకునే వ్యాపారవేత్తలకు సభల నిర్వాహకులు ప్రత్యేక ఆహ్వానం అందించారు. తమ ఉత్పత్తులు మరియు సేవలను ప్రదర్శించేందుకు, వ్యాపార గుర్తింపును పెంచుకునేందుకు, విస్తృతమైన విభిన్నమైన ప్రేక్షకులతో నెట్‌వర్క్ ఏర్పరుచుకునేందుకు ఆటా సభలు ఒక మంచి వేదికగా నిలుస్తుందని నిర్వాహకులు తెలిపారు. 2026 జూలై 31 నుండి ఆగస్టు 2 వరకు అమెరికాలోని మేరీల్యాండ్ రాష్ట్రం బాల్టిమోర్‌లో ఈ సభలు నిర్వహించనున్నారు.

స్టాల్స్ ఏర్పాటు చేయాలనుకునే వారికి ఏప్రిల్ 30 వరకు తగ్గింపు ధరలతో నమోదు అవకాశం కల్పించినట్లు నిర్వాహకులు వెల్లడించారు. అనంతరం రిజిస్ట్రేషన్ రుసుములు పెరగనున్నందున ముందుగానే తమ స్థానం ఖరారు చేసుకోవాలని సూచించారు. వివరాలకు vendor@ataworld.org ఈమెయిల్‌కు, నవీన్ (571-426-6422), కల్పన (571-426-0383)ను సంప్రదించవచ్చు.