ఫిలడెల్ఫియాలో తానా "ఫాదర్స్ డే"..పాల్గొన్న హీరో సుమన్

‘ఫాదర్స్‌ డే’ను పురస్కరించుకొని ఉత్తర అమెరికా తెలుగు సంఘం (తానా) మిడ్ అట్లాంటిక్ ఆధ్వర్యంలో పెన్సిల్వేనియాలోని వ్యాలీ ఫోర్జ్ నేషనల్ హిస్టారికల్ పార్కులో జూన్‌ 21న ‘నాన్నతో నడక’ కార్యక్రమం ఘనంగా జరిగింది. ఈ కార్యక్రమంలో తానా అధ్యక్షుడు డా. నరేన్ కొడాలి, బోర్డు డైరెక్టర్ రవి పొట్లూరి, మిడ్-అట్లాంటిక్ రీజినల్ ప్రతినిధి ఫణి కంతేటిలతో పాటు, ఈ కార్యక్రమానికి సూచనలు, మార్గదర్శకత్వం చేసిన తానా బెనిఫిట్ కోఆర్డినేటర్ వెంకట్ సింగు పాల్గొన్నారు.

ఈ కార్యక్రమంలో ప్రముఖ సినీనటుడు సుమన్‌ ప్రత్యేక ఆకర్షణగా నిలిచారు. ప్రతి ఒక్కరి జీవితంలో నాన్న పాత్ర ఏంటో ఆయన తెలియజేశారు. మిమిక్రీ రమేశ్‌ తన పాటలు, ప్రదర్శనలతో అలరించారు. మఖ్దూమ్‌ సయ్యద్‌, ఉమాకాంత్‌ స్ఫూర్తిదాయక ప్రసంగాలు ప్రేరణ కలిగించాయి. దాదాపు 200 మందికిపైగా తండ్రులు, వారి పిల్లలు ఈ కార్యక్రమంలో పాల్గొన్నారు.

ఈ కార్యక్రమం విజయవంతమయ్యేందుకు కృషి చేసిన సురేశ్‌ యలమంచిలి, సునీల్ కోగంటి, రంజిత్ మామిడి, శ్రీధర్ సాదినేని, దీప్తి కోక, సంతోష్ రౌతు, చలం పావులూరి, కృష్ణ నందమూరి, విశ్వనాథ్ కోగంటి, ప్రసాద్ కస్తూరి తదితరులకు నిర్వాహకులు హృదయపూర్వక కృతజ్ఞతలు తెలిపారు. ఈవెంట్ కోసం అంకితభావంతో పనిచేసిన వాలంటీర్లందరికీ ధ్రువపత్రాలు పంపిణీ చేశారు. కార్యక్రమానికి హాజరైన వారందరికీ భోజన వసతి కల్పించారు.