ఆస్ట్రేలియా దేశ జూనియర్ స్క్వాష్ జట్టులో తెలుగు యువకుడికి చోటు

ఆస్ట్రేలియా స్క్వాష్‌ సమాఖ్య 2027–29 జాతీయ జూనియర్ టాలెంట్ స్క్వాడ్‌ను ప్రకటించింది. దేశవ్యాప్తంగా ప్రతిభావంతులైన యువ స్క్వాష్ క్రీడాకారులను గుర్తించి, భవిష్యత్తులో జరిగే ప్రపంచ జూనియర్ ఛాంపియన్‌షిప్‌లకు సిద్ధం చేయడం ఈ కార్యక్రమం ప్రధాన ఉద్దేశ్యం. ఈ స్క్వాడ్‌లో తెలుగు యువకుడు దొడ్డం కనిష్క్ రెడ్డి చోటు దక్కించుకున్నాడు.

కోచ్ జెన్నీ డన్‌కాల్ఫ్ నేతృత్వంలో క్రీడాకారులకు శిక్షణ, మార్గదర్శకత్వం అందించనున్నారు. తల్లిదండ్రులు, వ్యక్తిగత కోచ్‌లు, సహాయక బృందాలతో సమన్వయం చేస్తూ క్రీడాకారుల అభివృద్ధికి ప్రత్యేక ప్రణాళికలు అమలు చేయనున్నారు. భవిష్యత్ ప్రపంచ జూనియర్ ఛాంపియన్‌షిప్‌లను లక్ష్యంగా చేసుకుని ప్రతి ఆరు నెలలకు ఒకసారి వ్యక్తిగత ప్రదర్శన ప్రణాళికలను రూపొందించి తర్ఫీదు ఇవ్వనున్నారు.