ఒర్లాండోలో ఉత్సాహభరితంగా ఆటా సాంస్కృతిక వేడుకలు

ఒర్లాండోలో అమెరికన్ తెలుగు అసోసియేషన్ (ఆటా) ప్రాంతీయ సాంస్కృతిక వేడుకలు ఉత్సాహభరితంగా సాగాయి. ‘ఝుమ్మంది నాదం’ గాన పోటీలు, ‘సయ్యంది పదం’ నృత్య పోటీలలో ఫ్లోరిడా నలుమూలల నుంచి వచ్చిన ప్రతిభావంతులు పాల్గొని తమ కళా ప్రదర్శనలతో ఆకట్టుకున్నారు. జాక్సన్‌విల్, టాంపా తదితర నగరాల నుంచి వచ్చిన పోటీదారులు ఒర్లాండో వేదికపై తమ ప్రతిభను ప్రదర్శించారు. ఈ పోటీల విజేతలు మేరీల్యాండ్‌ రాష్ట్రం బాల్టిమోర్‌లో జులై 31 నుండి ఆగష్టు 2 వరకు జరగనున్న ఆటా 19వ మహాసభల్లో పాల్గొనే అవకాశం గెలుపొందారు. కార్యక్రమంలో నిర్వహించిన ఫ్యాషన్ షోలో మహిళలు సాంప్రదాయ వస్త్రధారణతో ప్రేక్షకులను అలరించారు. ప్రాంతీయ డైరెక్టర్ డాక్టర్ నీలిమ కటుకూరి, ప్రాంతీయ సమన్వయకర్త సుహాసిని కోసనం, ప్రాంతీయ సలహాదారు డాక్టర్ బుచ్చి రెడ్డి, మహిళా విభాగ సమన్వయకర్త ప్రశాంతి రెడ్డి తదితరులు పాల్గొన్నారు,