వీలునామా ప్రాముఖ్యతపై తానా సదస్సు

ఉత్తర అమెరికా తెలుగు సంఘం (తానా) మిడ్ అట్లాంటిక్ విభాగం ఆధ్వర్యంలో శనివారం నాడు ఫిలడెల్ఫియా పరిసర ప్రాంతమైన కింగ్ ఆఫ్ ప్రష్యాలో ‘విల్ అండ్ ట్రస్ట్ డ్రైవ్’ పేరిట వీలునామా రూపకల్పన, ఆవశ్యకత, ప్రాముఖ్యతలపై కార్యక్రమం నిర్వహించారు. "చుగ్ ఫైనాన్షియల్ సర్వీసెస్" సంస్థ అతిథులకు అవగాహన కల్పించింది. తానా బెనిఫిట్స్ కోఆర్డినేటర్ వెంకట్ సింగు, బోర్డు సభ్యుడు రవి పొట్లూరి, సతీష్ నల్లా, మిడ్-అట్లాంటిక్ రీజినల్ రిప్రజెంటేటివ్ ఫణి కంతేటి తదితరులు సదస్సు నిర్వహణను సమన్వయపరిచారు.