ఉల్లాసంగా నెబ్రాస్కా తెలుగు సమితి వనభోజనాలు

తెలుగు సమితి ఆఫ్ నెబ్రాస్కా(TSN) ఆధ్వర్యంలో వనభోజనాలు ఉల్లాసంగా ఆత్మీయ వాతావరణంలో సాగాయి. గత శనివారం యూజీన్ టి. మహోనీ స్టేట్ పార్క్‌లో జరిగిన ఈ వనభోజనాలకు తెలుగు కుటుంబాలు పెద్ద సంఖ్యలో హాజరయ్యాయి. చిన్నారులు, పెద్దల కోసం వివిధ ఆటలు, సరదా పోటీలు నిర్వహించారు. వనభోజనాల్లో రుచికరమైన వంటకాలు ఆకట్టుకున్నాయి. మహిళలకు గోరింటాకు, చిన్నారులకు ఫేస్ పెయింటింగ్ ఏర్పాటు చేశారు. సంగీతం, నృత్యాలు, ఆటలు, కబడ్డీ, చిన్నారుల కేరింతలతో రోజంతా కుటుంబాలంతా ఆనందంగా గడిపారు. కబడ్డీ పోటీల విజేతలకు బహుమతులు అందజేశారు.

సమితి అధ్యక్షుడు కొల్లి ప్రసాద్ మాట్లాడుతూ, వనభోజనాలు కేవలం వినోదానికే పరిమితం కాకుండా తెలుగు కుటుంబాల మధ్య ఆత్మీయతను పెంపొందించే సామాజిక వేదికగా నిలిచాయని పేర్కొన్నారు. సంస్థ ఉపాధ్యక్షుడు తాతారావు, మెంబర్‌షిప్ కమిటీ చైర్ బాల కామిరెడ్డి, కల్చరల్ చైర్ రమ్య, కో-చైర్ వినీల, బోర్డ్ ఆఫ్ డైరెక్టర్స్ సభ్యురాలు మాధురి, కమిటీ సభ్యురాలు శ్వేత, సుందర్ చొక్కరా, అలగన్ చిన్నప్ప, పావులూరి సత్యనారాయణ, వెంకట్ మాదలి, వేణు మురకొండ, రమేష్ రాయపాటి, వెంకట్ స్వర్ణ, రాజేష్ చింతపల్లి, మధు, రాజు దాట్ల, నారాయణ, సాంబ దివ్వెల, అనూప్ మాణిక్యం, చైతన్య రవిపాటి, యుగంధర్ పంగా, అవినాష్ మదూరి, ఉమ అద్దుల, రాజా కోమటిరెడ్డి, అనిల్ పోతినేని, జయకృష్ణ నల్లా, వంశీ కంచెర్ల, లక్ష్మీ గోరంట్ల తదితరులు పాల్గొన్నారు.