450మంది పేదలకు భోజనం అందించిన నెబ్రాస్కా తెలుగు సమితి

నెబ్రాస్కా తెలుగు సమితి ఆధ్వర్యంలో ఒమాహా నగరంలోని సియెనా ఫ్రాన్సిస్ సంస్థలో 450మందికి భోజనాన్ని అందజేశారు. ఆదివారం నాడు నిర్వహించిన "Feed the Need – Youth Charity & Food Drive" కార్యక్రమం స్ఫూర్తిదాయకంగా సాగింది. తెలుగు సమితి అధ్యక్షుడు ప్రసాద్ కొల్లి, సేవా కార్యక్రమాల కమిటీ ఛైర్మన్ ధనారావు గొట్టిపాటి, కమ్యూనిటీ కమిటీ ఛైర్మన్ అవినాష్, కార్యవర్గ సభ్యులు ఈ కార్యక్రమాన్ని సమన్వయపరిచారు.

కార్యక్రమంలో పాల్గొన్న యువత సియెనా ఫ్రాన్సిస్ సంస్థలో పర్యటించి అక్కడి పరిస్థితులను అధ్యయనం చేశారు. ఆశ్రయం పొందుతున్న వారి రోజువారీ జీవన విధానాన్ని దగ్గరగా గమనించడం ద్వారా సమాజంలోని మరో కోణాన్ని తెలుసుకునే అవకాశం వీరికి లభించిందని ప్రసాద్ అన్నారు. యువతను ఇటువంటి కార్యక్రమాల్లో భాగస్వాములను చేస్తూ, సేవా దృక్పథాన్ని పెంపొందించే కార్యక్రమాలకు రూపకల్పన చేస్తున్నట్లు వివరించారు.