తానా మిడ్ అట్లాంటిక్ ఆధ్వర్యంలో ఈస్టర్ ఎగ్ హంట్ - TANA Mid Atlantic Conducts 2026 Easter Egg Hunt

ఉత్తర అమెరికా తెలుగు సంఘం (తానా) మిడ్ అట్లాంటిక్ విభాగం ఆధ్వర్యంలో చిన్నారుల కోసం ఈస్టర్ ఎగ్ హంట్ కార్యక్రమాన్ని ఆదివారం నాడు కాలేజ్‌విల్లేలోని ఎవాన్స్‌బర్గ్ స్టేట్ పార్క్‌లో నిర్వహించారు. తానా బోర్డ్ డైరెక్టర్ రవి పొట్లూరి, మిడ్-అట్లాంటిక్ ప్రాంతీయ ప్రతినిధి ఫణి కంతేటి, బెనిఫిట్ కోఆర్డినేటర్ వెంకట్ సింగులు సమన్వయపరిచారు. రంగురంగుల గుడ్లు, ప్రత్యేక ‘గోల్డెన్ ఎగ్స్ ' కోసం పిల్లలు ఉత్సాహంగా వెతికారు. ఈవెంట్ కోఆర్డినేటర్లు దీప్తి కోకా, భవాని మామిడి కీలకపాత్ర పోషించారు. పెద్దలకు, పిల్లలకు పలు ఆటల పోటీలు ఏర్పాటు చేశారు. మిడ్-అట్లాంటిక్ బాయ్స్ అండ్ గర్ల్స్ క్లబ్ సహకారం అందించారు. సురేష్ యలమంచి, విశ్వనాథ్ కోగంటి తదితరులు పాల్గొని సహకరించారు.