సెయింట్ లూయిస్‌లో నాట్స్ ఉచిత వైద్య శిబిరం

ఉత్తర అమెరికా తెలుగు సొసైటీ (నాట్స్) ఆధ్వర్యంలో మిస్సోరీలోని సెయింట్ లూయిస్‌లో ఉచిత వైద్య శిబిరాన్ని నిర్వహించారు. స్థానిక మహాత్మా గాంధీ సెంటర్‌లో నిర్వహించిన ఈ శిబిరంలో తెలుగువారికి వైద్య సేవలతో పాటు చలికాలంలో ఫ్లూ బారిన పడకుండా వైద్యులు ఉచితంగా ఫ్లూ షాట్స్ అందించారు. నాట్స్ సలహా బోర్డ్ సభ్యులు డాక్టర్ సుధీర్ అట్లూరి, ప్రముఖ హెమటాలజీ, ఆంకాలజిస్ట్ డాక్టర్ నిశాంత్ పొద్దార్‌లు ఈ శిబిరంలో తమ సేవలను అందించారు. తెలుగు వారికి ప్లూ షాట్స్ ఇవ్వడంతో డాక్టర్ ఏజే కీలక పాత్ర పోషించారు.

నాట్స్ బోర్డ్ ఆఫ్ డైరెక్టర్ రమేశ్ బెల్లం, మిస్సోరీ చాప్టర్ కో ఆర్డినేటర్ సందీప్ కొల్లిపర, మిస్సోరి చాప్టర్ జాయింట్ కో ఆర్డినేటర్ అన్వేష్ చాపరాల, మిస్సోరీ చాప్టర్ సభ్యులు నాగ శ్రీనివాస్ శిష్ట్ల తదితరులు సహకరించారు. ప్రతి నెల ఈ శిబిరాన్ని ఏర్పాటు చేస్తున్న మిస్సోరీ చాప్టర్ ప్రతినిధులను నాట్స్ చైర్మన్ ప్రశాంత్ పిన్నమనేని, నాట్స్ ప్రెసిడెంట్ శ్రీహరి మందాడిలు అభినందించారు.

Tags-2025 St Louis NATS Free Medical Camp

bodyimages:

JOIN OUR WHATSAPP CHANNEL FOR MORE UPDATES