కురసావ్ ఫుట్‌బాల్ జట్టుకు SMU అభినందనలు

క్యురసావ్‌...ఈ కరీబియన్‌ దీవి జనాభా కేవలం లక్షా 56 వేలు. అలాంటి బుల్లి దేశం.. అత్యంత కఠినమైన అర్హత ప్రక్రియ ఉండే ఫుట్‌బాల్‌ ప్రపంచకప్‌లో ముందంజ వేసింది. ఫిఫా ప్రపంచకప్‌కు అర్హత సాధించింది. ఈ మెగా టోర్నీలో ఆడబోతున్న అత్యంత చిన్న దేశం ఇదే. ఇప్పటిదాకా ఈ రికార్డు ఐస్‌లాండ్‌ పేరిట ఉండేది. 3,50,000 జనాభా ఉన్న ఆ దేశం 2018 ప్రపంచకప్‌నకు అర్హత సాధించింది. ఆ రికార్డును ఇప్పుడు క్యురసావ్‌ బద్దలు కొట్టింది. ఈ రికార్డు ఎప్పటికీ అలాగే నిలిచిపోయినా ఆశ్చర్యం లేదు.

క్యురసవ్‌లో ప్రవాస తెలుగువారి ఆధర్యంలో సెయింట్ మార్టినస్ యూనివర్శిటీ (SMU) నెలకొల్పి వైద్యవిద్యను అందిస్తున్నారు. క్యురసావ్ ఫిఫా ప్రపంచకప్‌కు అర్హత సాధించడం తమకు గర్వకారణంగా ఉందని SMU ఛాన్సలర్ డా. గింజుపల్లి మురళీ అన్నారు. నెదర్లాండ్స్‌ కింగ్‌డమ్‌లో భాగమైన క్యురసావ్‌ ప్రపంచకప్‌లో ఆడటం తమకు మరింత ఖ్యాతి తీసుకువస్తుందని ఆయన ఆశాభావం వ్యక్తపరిచారు. క్యురసావ్ జట్టుకు అభినందనలు తెలిపారు.

SMUను 2000 సంవత్సరంలో నెలకొల్పారు. ఇటీవలే ఈ విశ్వవిద్యాలయం రజతోత్సవాన్ని జరుపుకుంది.

Tags-St Martinus Univ SMU Congratulates Curacao FootBall Team

bodyimages:

JOIN OUR WHATSAPP CHANNEL FOR MORE UPDATES