ప్రవాస ప్రముఖులకు లోక్‌నాయక్ పురస్కారాలు

ఆంధ్రా యూనివర్సిటీ తెలుగు విభాగ విశ్రాంత అధిపతి ఆచార్య వెలమల సిమ్మన్నకు ఈ సంవత్సరం లోక్‌నాయక్ ఫౌండేషన్ సాహిత్య పురస్కారం, ప్రఖ్యాత కేన్సర్ చికిత్సా నిపుణుడు డాక్టర్ నోరి దత్తాత్రేయుడు, డలాస్‌లో అతి పెద్ద గాంధీజీ విగ్రహం ప్రతిష్టించి సామాజిక సేవాకార్యక్రమాలు నిర్వహిస్తున్న డాక్టర్ తోటకూర ప్రసాద్, డెట్రాయిట్‌కు చెందిన ప్రముఖ వైద్యుడు డాక్టర్ డాక్టర్ వేములపల్లి రాఘవేంద్ర చౌదరి, సెంట్రల్ లండన్ డిప్యూటీ మేయర్ ఆర్యన్ ఉదయ్ ఆరేటిలకు జీవన సాఫల్య పురస్కారాలను అందజేయనున్నట్లు ఆ సంస్థ అధ్యక్షుడు, రాజ్యసభ మాజీ ఎంపీ, పద్మశ్రీ, పద్మభూషణ్ పురస్కార గ్రహీత డా. యార్లగడ్డ లక్ష్మీప్రసాద్ వెల్లడించారు.

25 ఏళ్లుగా లోక్‌నాయక్ ఫౌండేషన్ సంస్థ ఆంధ్రా జ్ఞానపీఠ్‌గా పేరొందిన ఈ అవార్డు అందిస్తోందని, సాహిత్య పురస్కారానికి రెండులక్షలు, జీవనసాఫల్య పురస్కార గ్రహీతలకు లక్ష రూపాయలు చొప్పున అందజేస్తామని తెలిపారు. జనవరి 18న దసపల్లాలో నిర్వహించనున్న ఈ కార్యక్రమానికి డిప్యూటీ స్పీకర్ రఘురామరాజు, హైకోర్టు న్యాయమూర్తి జస్టిస్ బట్టు దేవానంద్, ప్రముఖ నటుడు, రచయిత తనికెళ్ల భరణి, మాజీమంత్రి, భీమిలి ఎమ్మెల్యే గంటా శ్రీనివాసరావులు పాల్గొంటారని తెలిపారు.

Tags-Loknayak Foundation Vizag Awards 2025

Gallery

JOIN OUR WHATSAPP CHANNEL FOR MORE UPDATES