శనివారం...ఫ్రిస్కోలో మహిళల ఆరోగ్యంపై టాంటెక్స్ సదస్సు

ఉత్తర టెక్సాస్ తెలుగు సంఘం (టాంటెక్స్) వనితా వేదిక ఆధ్వర్యంలో యునైటెడ్ ఇన్ వెల్‌నెస్ – సెలబ్రేటింగ్ ఉమెన్ ఇన్ అవర్ కమ్యూనిటీ పేరిట మహిళల ఆరోగ్య ప్రాధాన్యతపై అవగాహన కల్పించే కార్యక్రమాన్ని ఈ శనివారం నాడు నిర్వహిస్తున్నట్లు అధ్యక్షురాలు లోకిరెడ్డి మాధవి ఒక ప్రకటనలో తెలిపారు. మహిళల శారీరక, మానసిక ఆరోగ్యానికి ప్రాధాన్యతనిస్తూ, సమాజంలో ఐక్యతను బలోపేతం చేయడం ఈ కార్యక్రమం లక్ష్యమని ఆమె వెల్లడించారు.

మార్చి 7న శనివారం ఉదయం 830 నుండి 11గంటల వరకు 10YEC – యూత్ ఎక్సలెన్స్ సెంటర్, 7600 Cotton Wood St, Friscoలో నిర్వహిస్తున్నారు.

యోగా సెషన్, వైద్య నిపుణుల ఆధ్వర్యంలో మహిళల ఆరోగ్యంపై చర్చ వంటివి ఏర్పాటు చేశారు. పాల్గొనేవారు తమ యోగా మ్యాట్స్ తీసుకురావాలని కోరారు. కార్యక్రమంలో భాగంగా దుస్తుల సేకరణ కార్యక్రమం కూడా నిర్వహిస్తున్నారు. చీరలు, లెహంగాలు, ఆభరణాలు స్వీకరించబడతాయని నిర్వాహకులు తెలిపారు. మరిన్ని వివరాలకు వనితా వేదిక సమన్వయకర్త దీపికా పేటను టాంటెక్స్ వెబ్‌సైట్ ద్వారా సంప్రదించవచ్చు.

Tags-TANTEX Women Health Yoga Session On March 7th In Frisco, Frisco Telugu Events, Dallas Telugu Events, Dallas Telugu News

Gallery

JOIN OUR WHATSAPP CHANNEL FOR MORE UPDATES