కాంగ్రెస్ 1000రోజుల పాలనపై ఎన్నారై బీఆర్ఎస్ ఆస్ట్రేలియా నిరసన

తెలంగాణలో కాంగ్రెస్ ప్రభుత్వం అధికారంలోకి వచ్చి 1000 రోజులు పూర్తవుతున్న సందర్భంగా, ఎన్నికల హామీల అమలు, ప్రభుత్వ పనితీరు, ప్రతిపక్ష ప్రజాప్రతినిధులపై జరుగుతున్న చర్యలను నిరసిస్తూ ఎన్నారై బీఆర్ఎస్ ఆస్ట్రేలియా ఆధ్వర్యంలో నల్లదుస్తులు ధరించి నిరసన కార్యక్రమం నిర్వహించారు. ఎన్నారై బీఆర్ఎస్ ఆస్ట్రేలియా ఇన్‌చార్జ్ అనిల్ బైరెడ్డి ఆధ్వర్యంలో నిర్వహించిన ఈ కార్యక్రమంలో ఆస్ట్రేలియాలోని ఎన్నారై బీఆర్ఎస్ సభ్యులు పాల్గొన్నారు.

తెలంగాణ కాంగ్రెస్ ప్రభుత్వం ఎన్నికల సమయంలో ఇచ్చిన హామీల అమలుపై ప్రజలకు స్పష్టమైన సమాధానం ఇవ్వాలని డిమాండ్ చేశారు. ప్రజా సమస్యల పరిష్కారంలో వైఫల్యంపై ఆందోళన వ్యక్తం చేశారు. బీఆర్ఎస్ ఎమ్మెల్యేలు, ఎమ్మెల్సీలపై పోలీసు చర్యలు, అరెస్టులు, నిర్బంధాలు, శాసనసభ, శాసనమండలిలో సస్పెన్షన్ల పట్ల తీవ్ర అభ్యంతరం వ్యక్తం చేశారు. రమేష్ ముత్యాల, రాహుల్ నడిదె, సత్య గుండా, రవీందర్ చుక్కా, కార్తీక్, రమణ, చందు తదితరులు పాల్గొన్నారు.