పేద విద్యార్థులకు బ్యాగులు అందజేసిన తానా ఒహాయో వ్యాలీ

ఉత్తర అమెరికా తెలుగు సంఘం (తానా) ఒహాయో వ్యాలీ బృందం ఆధ్వర్యంలో "గివింగ్ బ్యాక్ టు ది కమ్యూనిటీ" స్ఫూర్తితో నిర్వహించిన బ్యాక్‌ప్యాక్ కార్యక్రమం విజయవంతమైంది. అరోరా సిటీ కోఆర్డినేటర్ రామారావు పంగులూరి నాయకత్వంలో జరిగిన ఈ కార్యక్రమంలో ఒహాయో రాష్ట్రం అరోరా నగరంలోని 50మంది పేద విద్యార్థులకు బ్యాగులు పంపిణీ చెశారు. రీజినల్ రిప్రజెంటేటివ్ ప్రదీప్ చందనం పాల్గొని వీటిని అందజేశారు. ఈ సహకారాన్ని అరోరా పాఠశాలల కార్యవర్గం నాయకత్వ బృందం అభినందించింది. ఒహాయో వ్యాలీ కళాశాల కో-చైర్ లక్ష్మి యార్లగడ్డ, తానా టీమ్ స్క్వేర్ ఒహాయో కో-చైర్ సుహాసిని అడ్డగడ, ఒహాయో వ్యాలీ బాలోత్సవం కో-చైర్ ప్రియాంక యడ్లపల్లి, ఒహాయో వ్యాలీ తానా బ్యాక్‌ప్యాక్ చైర్ నరేష్ బొడ్డు, ఒహాయో వ్యాలీ బ్యాక్‌ప్యాక్ కో-చైర్ సతీష్ దంతులూరి, ఒహాయో వ్యాలీ స్పోర్ట్స్ కో-చైర్ దుర్గా ప్రసాద్ చెట్టిభక్తుని, సాయిరెడ్డి టేకుర్తి తదితరులు పాల్గొన్నారు.