Texas/USA: ఫ్రిస్కో పార్కును దత్తత తీసుకున్న నాట్స్

ఉత్తర అమెరికా తెలుగు సొసైటీ(నాట్స్) డాలస్ విభాగం ఆధ్వర్యంలో విద్యార్థుల్లో సామాజిక బాధ్యతను, సేవాభావాన్ని పెంపొందించేందుకు "అడాప్ట్ ఎ పార్క్" కార్యక్రమాన్ని నిర్వహించారు. ఫ్రిస్కోలోని "మొనార్క్ వ్యూ పార్క్"లో నిర్వహించిన సమావేశంలో విద్యార్థులు, నాట్స్ సభ్యులు పాల్గొన్నారు. పార్క్ పరిసరాలను శుభ్రం చేసి, నిర్వహణను మెరుగుపరిచేలా 20మంది ప్రవాస యువత ఉత్సాహంగా ఈ కార్యక్రమంలో పాల్గొన్నారు.

కార్యక్రమంలో నాట్స్ డల్లాస్ చాప్టర్ కోఆర్డినేటర్లు కిరణ్ నారె, పావని నున్న, సభ్యులు బదరి బియ్యపు, నరేన్ శివ, హృదయ్ దండు, రోహిత్ సుంకర, రవి తాండ్ర, విశాలాక్షి నారె, దీపిక నిడిగంటి, ధృవ్ పెదిరెడ్ల, వేద నిడిగంటి, అద్వైత్ నారె, అర్ణవ్ నారె, జోనల్ వైస్ ప్రెసిడెంట్ రత్నాకర్ సెట్టిపల్లి, నేషనల్ మీడియా రిలేషన్స్ కోఆర్డినేటర్ శ్రవణ్ నిడిగంటి, ఎగ్జిక్యూటివ్ వెబ్ సెక్రటరీ కిషోర్ నారె తదితరులు పాల్గొన్నారు. నాట్స్ డల్లాస్ చాప్టర్ సభ్యులను బోర్డ్ చైర్మన్ కిషోర్ కంచర్ల, ప్రెసిడెంట్ రాజ్ అల్లాడలు అభినందించారు.