వైభవంగా జరిగిన TAGB ఉగాది సంబరాలు

గ్రేటర్ బోస్టన్ తెలుగు అసోసియేషన్ (TAGB) ఆధ్వర్యంలో ఉగాది సంబరాలను ఘనంగా నిర్వహించారు. స్థానిక రెంథం కింగ్ ఫిలిప్ హైస్కూల్‌లో జరిగిన ఈ వేడుకల్లో పెద్ద్సంఖ్యలో ప్రవాసులు పాల్గొని సందడి చేశారు. Band Capricio కాన్సర్ట్ ప్రధాన ఆకర్షణగా నిల్చింది. ఏక్‌నాధ్, అదితి భావరాజు, శ్రవణ్, తేజ, నిషాంత్, మోసెస్, చైతన్యలు తమ ప్రదర్శనతో అలరించారు. 200 మంది స్థానిక కళాకారులు పలు సాంస్కృతిక ప్రదర్శనలతో ఆకట్టుకున్నారు.

పిల్లలకు, పెద్దలకు 'పసి'డి పద్యాల పోటీ వీనులవిందుగా జరిగింది. సభ్యులు ఉత్సాహంగా పాల్గొని పద్య ఆరంభ మణి, పద్య కుశల, పద్య ప్రవీణ, పద్య విశారద స్థాయిలలో బహుమతులు గెలుచుకున్నారు. నటుడు బ్రహ్మానందం 70వ జన్మదినోత్సవం సందర్భంగా నిర్వహించిన "ఆనందం బ్రహ్మానందం" రీల్స్ పోటీలో గెలుపొందిన రీల్స్‌కు బహుమతులు అందజేశారు. TAGB అధ్యక్షురాలు సుధ మూల్పూర్ సభికులకు ఉగాది శుభాకాంక్షలు తెలిపారు. వేడుకల నిర్వహణకు సహకరించిన వారికి ధన్యవాదాలు తెలిపారు. TAGB పూర్వ చైర్మన్లను వారి సేవలకు గుర్తింపుగా ఈ వేడుకల్లో సత్కరించారు.

2026-27 TAGB కార్యవర్గం - Executive Committee:
సుధ మూల్పూర్ (President),
దీప్తి కొరిపల్లి (President Elect),
జగదీశ్ చిన్నం (Secretary),
సూర్య తేలప్రోలు (Treasurer),
మానస కృష్ణ (Cultural Secretary).

Board of Trustees:
కాళిదాస్ సూరపనేని (Chairman),
చంద్ర వల్లూరుపల్లి (Board Member),
కల్యాణ్ కాకి (Board Member),
శిరీష కేతిరెడ్డి (Board Member),
శ్రీనివాస్ గొంది (Ex Officio)