100 గ్రామాలను దత్తత తీసుకున్న శంకర నేత్రాలయ

అట్లాంటాలో శంకర నేత్రాలయ అమెరికా ఆధ్వర్యంలో సాంస్కృతిక కార్యక్రమం ఏర్పాటు చేశారు. గ్రామీణ భారతదేశంలో అంధత్వాన్ని నిర్మూలించడానికి, మొబైల్ ఐ సర్జికల్ యూనిట్ (MESU) విస్తరణకు మద్దతుగా ఈ కార్యక్రమంలో $1.25 మిలియన్లను సమీకరించారు. రాజేష్ తడికమల్ల, మూర్తి రేకపల్లి, బాలారెడ్డి ఇందుర్తిలు సమన్వయపరిచారు.

శాంతి మెడిచెర్ల, సందీప్ కౌతా, ఉషా మోచెర్ల, జనార్ధన్ పన్నెల, స్రవంతి కెటి, శిల్పా ఉప్పులూరి, శ్రీనివాస్ దుర్గం, రామ్ దుర్వాసుల వంటి కళాకారులు పాల్గొన్నారు. నీలిమ గడ్డమణుగు సమన్వయంతో మోహినీయాట్టం, భరతనాట్యం, కథక్, కూచిపూడి వంటి నృత్య రూపాలు వేదికను అలరించాయి. వివిధ నృత్య అకాడమీలు పౌరాణిక కథల నుండి జానపద నృత్యాల వరకు వైవిధ్యాన్ని చూపించాయి.

కార్యక్రమంలో ప్రసాద్ రెడ్డి కాటంరెడ్డి, SV ఆచార్య, లీలా కృష్ణమూర్తి, కిషోర్ చివుకులను సత్కరించారు. రమేష్ బాబు లక్ష్మణన్ అంధత్వ నిర్మూలన రెండో జీవితాన్ని అందించే సేవ అని పేర్కొన్నారు. లీలా కృష్ణమూర్తికి జీవిత సాఫల్య పురస్కారం అందజేశారు. తన గ్రామ దత్తత కోసం $145,000 విరాళం ఇచ్చారు. ప్రధాన దాతలు, స్పాన్సర్లు 100 గ్రామాలను దత్తత తీసుకున్నారు. తద్వారా వేలాది మందికి ఉచిత నేత్ర శస్త్రచికిత్సలు నిర్వహించే అవకాశాన్ని అందించారు. మెహర్ లంక, రమేష్ చాపరాల, వెంకట్ నీలం, గిరి కోటగిరి తదితరులు సహకరించారు.

Tags-Sankara Netralaya USA Adopts 100 Villages

Gallery

JOIN OUR WHATSAPP CHANNEL FOR MORE UPDATES