ఈ శనివారం ఫ్రిస్కోలో సాకేత్ ఫౌండేషన్ 5కే వాక్

బీటా థలస్సీమియా మేజర్‌తో పోరాడిన సాకేత్ కొల్లా స్మారకార్థం సాకేత్ ఫౌండేషన్ వార్షిక 5కే వాక్ ఈ శనివారం ఫ్రిస్కో కామన్స్ పార్కులో నిర్వహిస్తున్నట్లు అతని తల్లిదండ్రులు శ్రీనివాస్-లక్ష్మీలు తెలిపారు. సాకేత్ స్ఫూర్తిని స్మరించుకుంటూ, భారతదేశంలోని ఆర్థికంగా వెనుకబడిన పిల్లల ఆరోగ్యం, విద్య కోసం నిధుల సేకరణకు ఈ కార్యక్రమం ఉపయోగపడుతుందని వివరించారు.

ఈ ఏడాది సాకేత్ ఫౌండేషన్ 5కే వాక్ 14వ వార్షికోత్సవాన్ని జరుపుకుంటోంది. గత సంవత్సరం 15వేల డాలర్లు సేకరించారు. దానికి మరో 6వేల డాలర్లు కలిపి మొత్తం 21వేల డాలర్ల నిధులతో ఈ సేవా కార్యక్రమాలు నిర్వహించారు.

* పిల్లలకు రక్త మార్పిడి, ఔషధాల కోసం Thalassemia Needs Societyకు $12,000 సహాయం.

* బెంగళూరులోని మహావీర్ జైన్ ఆసుపత్రిలో తేజస్విని బోన్ మారో ట్రాన్స్‌ప్లాంట్ కోసం $6,000

* క్యాన్సర్‌తో పోరాడుతున్న పూజిత వైద్య ఖర్చులు, మందులకు $1,600.

* బధిరుల పాఠశాలకు విద్యా సహాయార్థం $3,000.

ఈ శనివారం జరిగే కార్యక్రమంలో ప్రవాసులు పాల్గొనాలని, నగదు, చెక్కులతో లేదా Zelle: 732-423-5424 ద్వారా విరాళాలు అందించవచ్చునని నిర్వాహకులు తెలిపారు. వాక్‌లో పాల్గొనేవారు పసుపు లేదా తెలుపు దుస్తులతో రావాలని శ్రీనివాస్-లక్ష్మిలు కోరారు. మరిన్ని వివరాలకు: www.sakethfoundation.org చూడవచ్చు.

JOIN OUR WHATSAPP CHANNEL FOR MORE UPDATES