వైభవంగా తానా రెండోరోజు వేడుకలు ప్రారంభం

డెట్రాయిట్‌లో జరుగుతున్న తానా 24వ మహాసభల రెండోరోజు వేడుకలు శుక్రవారం ఉదయం వైభవంగా ప్రారంభమయ్యాయి. జ్యోతి ప్రజ్వలనతో ప్రారంభమైన ఈ వేడుకల్లో సభల ఛైర్మన్ గంగాధర్ నాదెళ్ల, కన్వీనర్ చాపలమడుగు ఉదయకుమార్, అతిథులకు ఆహ్వానం పలికారు. తరతరాల తెలుగుదనం - తరలివచ్చే యువతరం నినాదంతో ఈ వెడుకలు నిర్వహిస్తున్నామని, వేడుకల విజయవంతానికి కృషి చేసిన వారందరికీ ధన్యవాదాలు తెలిపారు. కళారత్న కె.వి.సత్యనారాయణ శిక్షణలో ప్రవాస యువతీయువకుల స్వాగత నృత్యం అలరించింది. అనంతరం తానా సభల సావనీర్‌ను ఆవిష్కరించారు.

ఈ సందర్భంగా పలువురు వక్తలు మాట్లాడుతూ...మీరు సాధించిన అద్భుత విజయాలను చూసి మరింత ఉన్నతంగా ఎదగాలని ఆకాంక్షిస్తూ ఈ తానా మహాసభలకు రావడం జరిగిందని పేర్కొన్నారు. డెట్రాయిట్‌లో తానా మహాసభలు నాలుగోసారి జరుగుతున్నందుకు గర్వంగా ఉందని ఊహించినదానికంటే రెండింతల మంది హాజరవడం ఆనందంగా ఉందన్నారు.

సభల వేదిక వద్ద పలు స్టాళ్లను ఏర్పాటు చేశారు. వీటిలో ప్రవాసులు సందడిగా కొనుగోలు చేశారు.

రెండోరోజు ప్రారంభోత్సవంలో పితాని సత్యనారాయణ, రోషన్ కుమార్, రఘురామరాజు, యార్లగడ్డ లక్ష్మీప్రసాద్, మురళీమోహన్, కామినేని శ్రీనివాస్ తదితరులు పాల్గొన్నారు.

Tags-TANA 2025 24th Detroit Conference Inaugural Day Gallery News